Бизнис
Стагнираат приходите од странство за германската фудбалска лига
03.09.2025
Германската фудбалска лига не успеа да ги зголеми приходите од странскиот маркетинг за новата сезона, а реализираните 218 милиони евра се исти како и во сезоната 2024/2025. Најновите договори, вклучувајќи ги и оние во Велика Британија и Јапонија, беа склучени непосредно пред почетокот на сезоната 2025/2026. Вкупните меѓународни приходи, вклучувајќи ги и спонзорствата, изнесуваат околу 302 милиони евра, објави ДПА.
Клубовите од Бундеслигата се надеваа на поголеми приходи од меѓународни права. Пред пандемијата приходите од странскиот маркетинг изнесуваа дури 275 милиони евра
Приходите на Бундеслигата од меѓународен маркетинг се рангираат на трето место меѓу врвните европски лиги, околу една десетина од она што го генерира англиската Премиер лига и една третина од приходите на шпанската Ла Лига, пренесува Сеебиз.
Приходите од домашни права се зголемија за 2% на 1,121 милијарди евра по сезона во 2025-29 година, Сеебиз.