Бизнис
МОЖНОСТА ЗА РАБОТА Е НАЈГОЛЕМАТА ПРИДОБИВКА ОД ЧЛЕНСТВО ВО ЕУ, сметаат најголем број од хрватските граѓани
03.09.2025
Големо мнозинство од хрватските граѓани, 79 проценти, веруваат дека Хрватска има корист од членството во Европската Унија, покажува според најновото истражување на Евробарометар нарачано од Европскиот парламент.
Ова е за шест процентни поени повеќе од просечниот број на испитаници во сите земји-членки кои веруваат дека членството во ЕУ е корисно за нивната земја.
Повеќето хрватски граѓани, 49 проценти, ги наведуваат новите можности за работа како главна придобивка од членството во ЕУ. 32 проценти од граѓаните веруваат дека ЕУ придонесува за економски раст во Хрватска. Истиот процент важи и за тврдењето дека ЕУ го подобрува животниот стандард на луѓето и за тврдењето дека придонесува за одржување на мирот и зајакнување на безбедноста.
На ниво на ЕУ, редоследот е поинаков: на прво место со 37 проценти, е дека ЕУ придонесува за одржување на мирот и зајакнување на безбедноста. Следува подобрувањето на соработката со другите земји-членки со 36 проценти, а на трето место со 29 проценти дека членството придонесува за економскиот раст на нивната земја.
Мнозинството испитаници во Хрватска, 55 проценти, веруваат дека клучното прашање на кое ЕП треба да се осврне е инфлацијата, зголемувањето на цените и трошоците за живот. На второ место е поддршката на економијата и создавањето нови работни места, а на трето место со 31 процент е борбата против сиромаштијата и социјалната исклученост, пренесува Пословни дневник.