Бизнис
ПОЛУПРАЗНИ ХОТЕЛСКИ И ПРИВАТНИ КАПАЦИТЕТИ ВО ЦРНА ГОРА!
17.07.2025
Туристичката сезона во Црна Гора е во средината на јули, но приватните сместувачки капацитети и хотелите се полупразни, а што предизвикува незадоволство кај туристичките работници.
Според експертите, пополнетоста на туристичките кревети во процек не надминува над 50 отсто, дури и во најпосетуваните дестинации како Будва, објавува порталот „Побједа“.
Ситуацијата е исклучително лоша и во секторот за приватно сместување, каде што сопствениците на станови и соби се отворено незадоволни од развојот на сезоната.
Многу од нив не очекуваа толку слаб одзив од гостите во екот на летото, а нема ни приближно толку резервации колку што предвидуваа прогнозите.
Претседателот на Хотелската асоцијација на Црна Гора, Никола Пејовиќ, истакна дека падот на туризмот е под влијание на несигурниот воздушен сообраќај, откажувањата од Источна Европа, лошата инфраструктура, но и целосното отсуство на унифицирана стратегија за развој на туризмот.
„Минатата година во ова време, речиси сè беше полно. Сега? Имаме помеѓу 50 и 60 проценти исполнетост, и тоа е во најдобар случај. И хотелите и приватниот сместувачки капацитет се далеку под капацитетот“, вели Пејовиќ.
Информацијата што најдобро ја опишува моменталната состојба е онаа за моментално најголемиот хотелски комплекс во Будва - Словенска плажа.
„Моментално има 700 гости на 3.000 кревети. Тоа е повеќе од алармантно. Од друга страна, се испраќаат пораки дека сезоната е успешна“, рече Пејовиќ, пренесува Дневник.
фото freepic