Бизнис
КАФЕ, ЌЕБАПИ И ПИВО ЗА ДЕСЕТ ЕВРА И ЛЕТУВАЊЕ НА ЈАДРАНСКО МОРЕ, НО НЕ Е СКАПО КАКО ВО ХРВАТСКА
13.06.2025
Доколку сакате да летувате на јадранскиот брег, но да не плаќате прескапо за угостителски услуги и за сместување како во Хрватска, Неум во Босна и Херцеговина е идеално место за пристоен летен одмор. Овој единствен град од БиХ кој излегува на море се повеќе ги привлекува туристите од Хрватска, Србија и другите земји од регионот, пред се поради значително пониските цени за сместување и храна, во споредба со соседните хрватски градови.
Неум стана пристапно место за летување на Јадранот. Со парите кои би се потрошиле на еден ручек на хрватскиот брег, во Неум гостинот може да се преспие, да се испие кафе и плати еден оброк, пишува Слободна Далмација.
Ноќевањето во објектите во Неум чини 30 евра, но без скриени трошоци. На почетокот на сезоната може да се изнајми студио апартман или соби за 30 евра за една ноќ и тоа во близина на морето. Повеќе индивидуални објекти нудат и бесплатна клима, интернет и паркинг.
Стандардно мени во угостителските објекти во Неум, во кој би имало кафе, ќебапи и пиво чини помалку од девет евра. Цената на кафето во кафулињата е од 2 до 2,5 евра, а ручек може да се нарача од 3,5 до 5 евра. Летување во Неум е многу подобра опција и за Хрватите кои можат да поминат десетина дена на море, но за 3 до 5 пати поевтино од престојот на хрватското приморје, пренесува Телеграф.
фото freepic