Бизнис
ВО ЕСТОНИЈА ЦЕНИТЕ НА КУЌИТЕ ЗГОЛЕМЕНИ ЗА ТРИПАТИ, во Европска Унија цените на куќите се зголемени за 2,9 отсто
06.10.2024
Во вториот квартал од 2024 година, цените на куќите во Европската Унија се зголемени за 1,9 отсто, а кириите се зголемени за 0,7 отсто во однос на првиот квартал.
Во однос на вториот квартал од 2023 година, цените на куќите се зголемени за 2,9 отсто, а кириите за три отсто, објави Евростат.
Кога се споредуваат вториот квартал од 2024 година и 2010 година, меѓу земјите на ЕУ за кои се достапни податоци, цените на куќите во 20 земји се зголемија повеќе од кириите.
Цените на куќите се зголемени повеќе од тројно во Естонија (232 отсто) и Унгарија (218 отсто), а повеќе од двојно се зголемија во Литванија (178 отсто), Летонија (146 отсто), Чешка (131 отсто), Австрија (111 отсто), Португалија (106 отсто), Луксембург (103 отсто) и Бугарија (102 отсто). Цените на куќите не се променија на Кипар, а паднаа во Италија (пет отсто).
фото freepic