Во Србија, во 2025 година, бројот на вработени лица изнесувал 2.869.500, бројот на невработени 272.400, а бројот на лица надвор од работната сила 2.464.200, објави денес Републичкиот завод за статистика.

Стапката на вработеност изнесувала 51,2 проценти, а стапката на невработеност 8,7 проценти.

Во споредба со претходната година, има намалување на бројот на вработени лица за 28.000, како и на населението надвор од работната сила за 5.300, додека бројот на невработени лица останал речиси непроменет.

Стапката на вработеност се намалила за 0,2 процентни поени (п.п.), стапката на невработеност се зголемила за 0,1 п.п., додека стапката на населението надвор од работната сила изнесувала 44 проценти и била повисока за 0,2 п.п. во однос на 2024 година.

Бројот на формално вработени лица во 2025 година е 2.541.000, што е за 7.800 помалку во однос на претходната година, додека бројот на неформално вработени лица се намали за 20.200 и изнесува 328.500.

Стапката на вкупно неформално вработување изнесуваше 11,4 проценти и во споредба со претходната година се намали за 0,6 п.п. Стапката на неформално вработување надвор од земјоделството изнесуваше 6,2 проценти (намалување од 0,1 п.п.), додека стапката на неформално вработување во земјоделството изнесуваше 49,7 проценти и, во споредба со претходната година, се намали за 1,2 п.п.

Популацијата на млади лица, лица на возраст од 15 до 24 години, се намали малку (за 0,1 процент) и изнесуваше 670.700 лица. Стапката на вработеност кај младите изнесуваше 24,2 проценти, што претставува намалување од 0,7 процентни поени, додека стапката на невработеност изнесуваше 23,4 проценти, што претставува зголемување од 0,4 процентни поени.

Фото Економија и бизнис