Кризата на Блискиот Исток влијае не само на зголемувањето на трошоците за греење на домовите и полнење на резервоарите, но експертите повторно предупредуваат дека цените на храната би можеле нагло да пораснат.

Во Велика Британија, Институтот за дистрибуција на прехранбени производи  соопшти дека инфлацијата на храната би можела да се зголеми повеќе од двојно до летото.

Моментално изнесува 3,6 проценти, но би можела да се искачи над 8 проценти до јуни ако компаниите бидат погодени од сценариото на „најтежок, но краткорочен енергетски шок“, пишува Sky News.

Во текот на 2026 година, инфлацијата на храната би се зголемила на околу 6,4 проценти, додавајќи повеќе од 150 фунти на годишната сметка за намирници на просечното домаќинство.

Дури и „поумерен“ шок би ја зголемил инфлацијата на храната на околу 4,8 проценти за оваа година, според прогноците на британскиот институт.

Производството на храна е енергетски интензивно и затоа е изложено на ненадејни промени во цените на нафтата и гасот. Војната во Украина влијаеше на цените на храната од истата причина.

– Постојано високите цени на храната продолжуваат да поттикнуваат загриженост за дополнителни профити, врз основа на претпоставката дека повисоките цени мора да значат поголем профит за прехранбените компании. Нашата анализа покажува дека доказите укажуваат во спротивна насока: маржите за основна храна и пијалоци остануваат екстремно ниски и, во многу случаи, се намалиле во последните години. Кога маржите се толку мали, бизнисите имаат ограничен капацитет да апсорбираат глобални шокови, да инвестираат во отпорност или да ја заштитат понудата. Со текот на времето, ова го зголемува ризикот од помала достапност на стоки и поголема нестабилност на цените, вели Џејмс Волтон, главен економист во ИГД, пренесува Новости.

Фото Економија и бизнис