Турција станува сè поважен енергетски центар помеѓу Блискиот Исток и Европа, откако Ирак го продолжи извозот на нафта преку нафтоводот Киркук-Џејхан, потврдуваат извори од нафтениот сектор.

Испораките на нафта во Турција започнаа вчера, а целта е да се достигнат околу 250.000 барели дневно во наредните денови, изјави ирачкиот министер за нафта Хајан Абдулгани, пренесува Biznisinfo.ba. Премиерот на регионалната влада на Курдистан, Месрур Барзани, нагласи дека обновувањето на извозот е договорено со цел да се надмине моменталната криза и да се овозможи продолжување на енергетските активности, со продолжување на преговорите со Багдад за отстранување на трговските ограничувања и стабилизирање на работата на нафтените и гасните компании.

Враќањето на извозот преку пристаништето Џејхан дополнително ја потврдува растечката улога на Турција во транзитот на енергија кон Европа, особено во секторот за природен гас. Покрај нафтата, Турција добива сè поголемо значење и во секторот за природен гас. Цените на европскиот гас пораснаа за околу 30 проценти откако Катар суспендираше дел од своето производство, етаблирајќи ја Турција како клучна транзитна земја, велат изворите.

Од пособна важност е Јужниот гасен коридор – единствениот копнен пат што ја снабдува Европа со гас што не е од Русија или Персискиот Залив. Системот го вклучува гасоводот Јужен Кавказ од Азербејџан преку Грузија, ТАНАП преку Турција до границата со Грција и ТАП преку Грција и Албанија до Италија.

Овој коридор го управуваат азербејџанската СОКАР, турската БОТАС и британската БП.

Поради глобалната нестабилност на енергетските пазари, вклучително и кризата во Ормускиот теснец, се очекува понатамошно зајакнување на стратешката позиција на Турција во снабдувањето со енергија на Европа, што ќе ја направи сè поважен фактор во европската енергетска безбедност и диверзификација на изворите на снабдување, пренесува Еуроњуз.

Фото Економија и бизнис