GoDigital, со поддршка од Visa и во соработка со HalkBank, објавува отворен повик за компании за доделување бесплатни дигитални алатки и решенија, со цел да се зајакнат дигиталните капацитети на македонските компании и да се поттикне користењето на современи дигитални финансиски услуги.

Повикот е наменет за компании кои имаат до 100 вработени, се во домашна сопственост, имаат позитивен финансиски резултат во последните две години и бележат раст на приходи во истиот период. Изборот ќе се врши врз основа на утврдени критериуми и проценка на потенцијалот за раст на компаниите.

Преку овој повик, избраните компании ќе добијат пристап до еден од следните пакети за поддршка:

Пакет 1: Soft POS
Поддршка за инсталирање Soft POS решение без месечни трошоци во првата година. Вкупно се предвидени 43 инсталации. Soft POS е софтверско решение што го претвора мобилниот телефон или таблет во терминал за бесконтактно плаќање со картички, без потреба од посебен POS уред.

Пакет 2: Виртуелен POS + дигитален маркетинг
Имплементација на виртуелен POS за е-трговија, без провизии, како и обука за дигитален маркетинг. Вкупно се предвидени 25 имплементации. Овој пакет им овозможува на компаниите безбедно онлајн плаќање преку веб-страница или е-продавница, како и практична поддршка за зголемување на нивната онлајн видливост и продажба.

Пакет 3: Visa деловна дебитна картичка
Издавање Visa бизнис дебитни картички без членарина. Вкупно се предвидени 300 картички. Картичките овозможуваат едноставно и безбедно управување со деловните плаќања, поголема контрола врз трошоците и полесно секојдневно финансиско работење.

Дополнително, Visa бизнис дебитна картичка без членарина ќе добијат сите избрани компании, независно од пакетот што ќе го изберат.

Избраните компании ќе добијат:

• бесплатен пристап до дигитални алатки поддржани од Visa и имплементирани со HalkBank;
• практична помош при избор и користење на алатките;
• зголемена онлајн видливост и деловна агилност;
• подобрена подготвеност за пристап до финансирање и нови пазари.

Рокот за пријавување е до 04.05.2026 година, до 23:59 часот, а резултатите од повикот ќе бидат објавени на 18.05.2026 година.

За учество, избраните компании ќе потпишат договор за учество, ќе присуствуваат на воведни средби и ќе споделат повратни информации за резултатите од имплементацијата на решенијата.

Аплицирањето е достапно на следниот линк:
https://godigital.mk/mk-MK/pocetna/news/news-and-announcements/povik-za-kompanii-besplatni-digitalni-alatki-za-kompaniite-poddrzani-od-visa-i-implementirani-so-halkbank.nspx

За дополнителни информации, заинтересираните компании можат да се обратат до GoDigital преку официјалните канали за комуникација.