Најстудено е утрово на Попова Шапка, -1 степен, каде што има и снежна покривка од 72 сантиметри. Како што информира УХМР,  1 степен утрово е во Mаврови Анови, 2 во Kрушево и Лазарополе, 4 степени во Претор, 5 во Охрид и Берово, 6 степени во Крива Паланка, Битола и Прилеп, 7 во Тетово, 8 во Скопје – Петровец, Скопје – Зајчев Рид, Куманово, Велес, Штип, Виница, Кавадарци, Демир Капија и Струмица и 9 степени во Гевгелија.

Во изминатите 24 часа, најмногу дожд (40 литри на квадратен метар) наврнал во Mаврови Анови, 35 на Попова Шапка, 17 во Битола, 13 во Kрушево, 8 литри во Демир Капија, Гевгелија и Пожаране, 7 во Скопје – Петровец, Скопје – Зајчев Рид и Лазарополе, 6 во Претор и Пожар-Радовиш, 5 литри во Крива Паланка, Тетово и Прилеп, 4 во Куманово, Велес и Кавадарци, 2  во Виница и Струмица и 1 литар на квадратен метар во Штип, Ѓуриште и Тополчани.

Според прогнозата на УХМР, времето денеска ќе биде облачно со повремени врнежи од дожд, наместа пообилни (над 30 литри на квадратен метар), на повисоките места врнежите ќе бидат од дожд и снег, а на планините од снег.

Ќе дува умерен, повремено засилен ветер од северозападен правец, поизразен долж Повардарието. Максималната температура ќе биде во интервал од 7 до 12 степени.

Во Скопје облачно со повремени врнежи од дожд. Ќе дува слаб до умерен, а во делови од котлината повремено засилен ветер од северен правец. Максималната температура ќе достигне  10 степени. 

Фото Економија и бизнис