Европската Унија денес предупреди дека инфлацијата би можела да достигне 3 проценти оваа година доколку војната на Блискиот Исток ги одржи цените на нафтата од типот Брент околу 100 долари за барел, а цените на бензинот повисоки подолг период.

Во такво сценарио, економскиот раст во 2026 година би бил и за 0,4 процентни поени помал од прогнозата од 1,4 проценти на крајот од минатата година, изјави шефот на економијата на ЕУ, Валдис Домбровскис.

Покрај цените на нафтата, се претпоставува дека европските цени на гасот ќе бидат околу 75 евра за мегават-час до крајот на годината, што значи дека инфлацијата би била за 0,7-1 процентен поен над 2,1 процент претходно проектирани за 2026 година, пренесува Н1.

Фото Економија и бизнис