Суровата нафта Брент денес достигна речиси 105 долари за барел, што е зголемување од повеќе од 40 проценти од почетокот на војната во Иран.

Цената на барел Брент, кој се смета за меѓународен стандард, се зголеми за 1,6 проценти и денес изнесува 104,73 долари, објави РТВ.

Цената на американската сурова нафта порасна за 1 процент на 99,68 долари за барел, што е зголемување од речиси 50 проценти од почетокот на војната.

Загубите на Волстрит се продлабочија во петокот, бидејќи војната повторно ги турна цените над 100 долари за барел, зголемувајќи го инфлацискиот притисок врз глобалната економија.

За нешто повеќе од една недела од затворањето на Ормускиот теснец, повеќе од 12 милиони барели на нафта дневно се затворени.

Денеска се очекува нова одлука на Регулаторната комисија за енергетика за малопродажните цени на горивата во Македонија. Засега важи ценовникот што стапи на сила на 10 март, според кој Еуросупер БС-95 се продава по 79,5 денари за литар, БС-98 по 81,5 денари, Еуродизелот по 85,5 денари, а екстра лесното масло по 82,5 денари.

Фото Економија и бизнис