Четири дена одмор можат да направат големи промени во работните навики и тоа е доволен период за да се забави темпото, да се заборави на обврските  и  роковите, е-поштата … Но, токму кога ќе се навикнеме на тоа темпо, празниците завршуваат и следува враќањето во секојдневниот живот – честопати побрзо отколку што би сакале.

Всушност, начинот на кој се враќаме на работа често одредува како ќе ни биде остатокот од неделата, па дури и целиот месец.

Најголемата стапица на првиот работен ден е желбата веднаш да се надомести сè што е пропуштено. Поштенско сандаче полно со непрочитани пораки и чувството дека сме „излезеле од ритам“ лесно може да нè вовлече во префорсирање на работното место. Но, секој е-мејл не е итен, ниту секоја задача бара одговор истиот ден. Кратка пауза за планирање може да заштеди часови хаотична работа.

По паузата, полесно е да се забележи што е навистина наш приоритет и што сме направиле од инерција. Тоа е добра можност да не се вратиме на потполно истите навики, туку да промениме нешто, барем минимално. За некои, ова значи дека ќе постават појасни граници во комуникацијата, за други, дека конечно ќе воведат кратки паузи или ќе ги распределат задачите поинаку во текот на денот.

Исто така е важно да си дадеме простор да „фатиме ритам“. Никој не се враќа од одмор со полна брзина и тоа е сосема во ред. Наместо да го направиме првиот ден преполн со состаноци и рокови, често е попродуктивно да го искористиме за организирање, преглед на обврските и поставување реални очекувања.

На крајот, можеби е најкорисно да ги гледаме празниците не како пауза од работата, туку како составен дел од неа. Таа мала пауза е често токму она што ни треба за да се вратиме пособрани и поенергични. И ако во тој процес останеме барем малку подолго во тој помирен ритам – можеби сме понеле нешто повеќе од само добри спомени од одморот, се дел од бизнис советите објавени во текстот на Бизлаив.

Фото Економија и бизнис