Бизнис
ЕК ЈА ПРЕДУПРЕДУВА ИТАЛИЈА ЗА ЗАШТИТАТА НА НАЦИОНАЛНИТЕ СТРАТЕШКИ СЕКТОРИ СПОРЕД ПОЛИТИКАТА НА ТРАМП
21.11.2025
Европската комисија наскоро ќе испрати формално предупредување до Италија поради загриженост дека италијанските правила за „златна моќ“ би можеле да бидат во спротивност со законите на Европската Унија, објави весникот „Фајненшл тајмс“, повикувајќи се на двајца европски претставници.
Одредбите за „златна моќ“ на Италија се дизајнирани да ги заштитат националните интереси во стратешките сектори, вклучувајќи ја одбраната и телекомуникациите, а законот се однесува и на банкарскиот сектор.
Италија не е единствената членка на ЕУ со вакви прописи, но Брисел верува дека некои од италијанските правила можат да го ограничат слободниот пазар и да ги прекршат европските прописи.
Испраќањето на таканареченото „писмо за известување“ го означува почетокот на формална постапка за прекршок против Рим.
Минатиот месец, италијанскиот министер за економија Џанкарло Џордети објави дека ќе побара појаснување од шефот на финансиските услуги на ЕУ, Марија Луис Албукерке, во врска со можните дисциплински мерки од страна на Комисијата.
Во октомври, Европската комисија, сигнализираше дека ќе дејствува против италијанскиот закон за „златната моќ“ како дел од притисокот врз земјите од ЕУ кои го попречуваат консолидирањето на банките во регионот, пренесува Еуроњуз.
Фото Економија и бизнис