Бизнис
ПЛАТИТЕ НАДМИНУВААТ НАД 8.000 ЕВРА МЕСЕЧНО, Хрватите пронајдоа нова „работничка оаза“.
17.10.2025
Многу Хрвати продолжуваат да одат на работа во побогати европски земји каде што платите и животниот стандард се подобри. Новата „работничка оаза“ за хрватските граѓани е малото кнежевство помеѓу Швајцарија и Австрија. Лихтенштајн сè повеќе се појавува на радарската мапа на европските работници. Благодарение на високите плати, стабилната економија и поволните даночни услови, земјата со население од нешто над 39 илјади привлекува експерти од цела Европа.
Платите во Лихтенштајн често надминуваат 8.000 евра месечно, а некои работни места дури вклучуваат и бесплатно сместување. Лихтенштајн не се одликува само со своите прекрасни пејзажи, туку и со својата исклучително силна економија, со еден од највисоките БДП по глава на жител во светот, пишува Загреб Инфо.
Сите работни места се огласуваат преку EURES - Европската служба за вработување - и вклучуваат позиции од домаќинки и оператори до фризери и логистички персонал.
Просечната месечна плата е околу 6.800 CHF (околу 7.150 евра). Пониските плати почнуваат од 2.500 CHF (околу 2.630 евра), додека искусните професионалци и менаџери можат да заработат повеќе од 10.000 CHF (околу 10.500 евра).
Фото Економија и бизнис