Бизнис
ФРАНЦИЈА ОЧЕКУВА ПОДОБРА БЕРБА НА ГРОЗЈЕТО
09.09.2025
Франција ќе произведува повеќе вино оваа година, но производството сепак ќе заостанува далеку зад петгодишниот просек поради намалените површини под лозја и високите температури во август, објави Министерството за земјоделство.
Франција треба да произведе 37,4 милиони хектолитри вино оваа година, што е три проценти повеќе од минатата година.
Проценката е сепак пониска отколку во јули, кога министерството очекуваше 40 милиони хектолитри вино.
„Неколку лозја беа опустошени од топлина и суша, особено во Шарант, Бургундија, Божоле и Лангедок-Русијон“, објавиja од француското министерството.
Ваквите услови ја намалија количината на сок во грозјето и го забрзаа зреењето на зрната, што ги помести датумите на берба во многу региони и го намали производствениот потенцијал.
Бербата во областа Шампањ ќе започне најдоцна до средината на септември, и покрај топлината и слабиот период на цветање, производството треба да го надмине минатогодишниот род за 12 проценти. Во споредба со петгодишниот просек, родот годинава треба да биде за 10 проценти послабо.
Во Бордо, раната берба започна кон средината на август, со негативно влијание на топлотните бранови врз приносите. Производството е толку блиску до минатогодишното, а во споредба со петгодишниот просек, е за 15 проценти пониско.
Франција го субвенционираше расчистувањето на лозјата со цел да го ограничи снабдувањето со оглед на намалената потрошувачка на вино, пренесува Сеебиз.