Бизнис
ВО СРБИЈА СЕ РАЗВИВА НОВ ПРОФИТАБИЛЕН БИЗНИС
06.09.2025
Големиот недостаток на паркинг места во градовите низ Србија отвори простор за развој на приватни паркинзи. Во Белград се покажа дека паркинзите во близина на аеродромот Никола Тесла имаат најголем потенцијал, додека во другите делови од градот најчесто се бараат месечни закупи.
Трошоците за инвестирање во овој бизнис се значително пониски отколку во изградбата на станбени згради, а побарувачката е константна. Најголемата инвестиција е купувањето земјиште, чии цени варираат од 5.000 евра по хектар во предградијата до дури 250.000 евра во центарот на Белград.
Месечната кирија за гаража во приградските населби е околу 70-80 евра, додека во центарот е до 250 евра. Надворешните паркинг места се поевтини за 50 проценти. Купувањето гаражен простор чини помеѓу 10.000 и 70.000 евра, додека отворените простори се 5.000-10.000 евра.
Во Нови Сад нема доволно приватни паркинзи, а сега има помалку од 20. Цените за изнајмување на паркинг простор се движат од 35 до 150 евра месечно. Во Белград, во Земун паркинг простор се профава за 12.000 евра, до луксузни комплекси каде што гаражите достигнуваат повеќе од 20.000 евра. Во централните градски подрачја квадратен метар достигнува до 5.000 евра.
Експертите истакнуваат дека вложувањето во приватни паркинзи е безбедна и профитабилна инвестиција, особено во близина на аеродроми, болници, деловни зони и туристички атракции, каде што побарувачката за паркинг места постојано расте, пренесува Бизни.Курир.рс.