Бизнис
ЕВРОПЕЈЦИТЕ ЗА СТАН ОД 70 КВАДРАТИ ТРЕБА ДА ЗАШТЕДАТ ШЕСТГОДИШНИ БРУТО ПЛАТИ
06.09.2025
Европа се соочува со парадокс: додека мнозинството граѓани сè уште поседуваат станови, влезот на новите генерации на пазарот на недвижности е сè потешко. Повеќе од две третини од граѓаните на Европската Унија живеат во станови што ги поседуваат.
Според податоците на Евростат и Делоит, анализирани од порталот Инвеститор, цените на становите во ЕУ се зголемиле за речиси 50% во периодот од 2015 до 2023 година. Во некои земји растот бил драстично повисок, како во Унгарија со раст од над 170%, додека во Финска растот бил само 5%. Во истиот период, кириите растеле побавно, околу 18% од 2010 до 2022 година.
Истражувањата покажуваат дека просечниот Европеец мора да заштеди околу шест години од својата бруто плата за да купи стан од 70 м². Во некои градови ситуацијата е уште потешка. Во Амстердам се потребни повеќе од 15 годишни плати, во Атина и Прага околу 15, во Торино околу пет годишни плати, пренесува Блиц.