Бизнис
Словенија меѓу најбараните туристички дестинации во Европа
06.09.2025
Словенечкиот туристички сектор забележа историски успех во 2025 година, со речиси 3,9 милиони туристи и повеќе од 9,8 милиони ноќевања до крајот на јули.
Благодарение на силната летна сезона и големиот прилив на странски посетители, Словенија се етаблираше како една од најбараните дестинации во Европа.
Туризмот во Словенија доживеа рекордни резултати во текот на 2025 година, благодарение на исклучително успешната летна сезона.
Според податоците на Заводот за статистика на Република Словенија (SURS), во периодот од јануари до јули, земјата ја посетиле речиси 3,9 милиони туристи, кои оствариле повеќе од 9,8 милиони ноќевања, што претставува зголемување од приближно 7% во споредба со истиот период од претходната година.
Јули беше особено импресивен: во тој месец беа регистрирани повеќе од 1,05 милиони пристигнувања и речиси 3 милиони ноќевања, поставувајќи нов месечен рекорд.
Странските туристи учествуваа со 82% во вкупните ноќевања, што ја потврдува растечката меѓународна важност на Словенија како туристичка дестинација.
Најголем број гости пристигнале од Германија, Австрија и Италија, овие земји заедно сочинуваат речиси три четвртини од вкупниот број на странски ноќевања. Географската близина, добрата поврзаност и членството на Словенија во Шенген зоната во голема мера го олеснија доаѓањето на туристи од регионот и пошироко, пренесува Курир.рс.