Бизнис
Месечен пад на малопродажбата во ЕУ, Европејците купувале помалку гориво и храна
04.09.2025
Малопродажбата во еврозоната се намали за 0,5 проценти во јули во споредба со пред еден месец, што е повеќе од пазарните очекувања. Во Европската Унија, продажбата се намали за 0,4 проценти во истиот месец, според официјалните податоци објавени од Евростат.
Пазарните очекувања за еврозоната беа за месечен пад од 0,3 проценти во јули. Најголем пад на обемот на продажба во еврозоната е забележан кај продажбата на моторно гориво во специјализирани продавници, за 1,7 проценти на месечна основа. Обемот на продажба во јули се намали и за 1,1 процент кај храната, пијалоците и тутунот.
Меѓу членките на ЕУ за кои се достапни податоци, најголемите месечни падови се забележани во Хрватска (четири проценти), Естонија (два проценти) и Германија (1,5 проценти).
Спротивно на тоа, најголемо зголемување е забележано во Литванија (зголемување од 1,5 проценти) и Холандија (1,1 процент) во јули.
На годишна основа, малопродажбата се зголеми за 2,2 проценти во еврозоната и 2,4 проценти во ЕУ во јули, што беше под пазарните прогнози, објави Бизнис.рс.