Бизнис
Со новиот пакет за струјата германските домаќинства заштедуваат 100 евра, но германските индустријалците бараат пониски цени
04.09.2025
Германската влада усвои контроверзен пакет мерки за намалување на цените на електричната енергија. Министерката за економија Катерина Рајхе изјави дека одлуката, која треба да биде одобрена од парламентот, е добра вест за потрошувачите.
-Го намалуваме товарот врз потрошувачите, го намалуваме товарот врз бизнисите, рече Рајхе, пренесува ДПА.
Според пресметките на владата, просечно домаќинство може да заштедат до 100 евра годишно. Пакетот вклучува намалување на надоместоците за електричната мрежа и намалување на даноците за електрична енергија за големите индустриски компании и компаниите во секторите за земјоделство и шумарство.
Синдикатите, како што е IG Metal, во меѓувреме побараа што е можно поскоро да се воведе меѓународно конкурентна цена на индустриска електрична енергија за енергетски интензивните индустрии. Од синдикатите предупредија дека илјадници работни места во челичарниците и другите сектори се во опасност.
Се очекува владата да ги субвенционира операторите на преносни мрежи со 6,5 милијарди евра во наредната година. Ова треба да обезбеди пад на надоместоците за преносна мрежа, која е главната компонента во цената на електричната енергија за приватните домаќинства.
Трговските здруженија предупредија дека може да се појават големи регионални разлики. Можно е потрошувачите во некои области воопшто да не го почувствуваат падот на цените на електричната енергија.