Бизнис
ПРОМЕНИ ВО ИТ СЕКТОРОТ ВО СРБИЈА ПОРАДИ УКИНУВАЊЕТО НА БЕНИФИЦИИТЕ, странски ИТ компании најавуваат селење од Србија
04.09.2025
Некои големи корпорации во ИТ секторот во Србија размислуваат да ги преместат своите операции во соседните земји, поради укинувањето на стимулациите за вработување на новонаселени лица, кои главно беа поврзани со даночни олеснувања за вработување висококвалификувани ИТ експерти, објави Бизнис.рс.
Марко Вучетиќ, директор на Српската ИТ асоцијација, која обединува повеќе од 20 технолошки компании со вкупен годишен обрт од над 375 милиони евра, во изјава за Бизнис.рс соопшти дека шест од нивните членови ги користеле споменатите даночни олеснувања, а две корпорации размислуваат за целосно повлекување од српскиот пазар.
Според него, државата им должи на компаниите огромни суми пари на име на овие стимулации и немаат информации кога парите ќе им бидат исплатени.
Повлекувањето на овие компании, како што вели Вучетиќ, би повлекло голем број отпуштања, не само за странски државјани, туку и за домашни работници.
- Многу од нив веќе ги разгледуваат пазарите во областа, како што се Бугарија, Романија, Полска, предупредува Марко Вучетиќ директорот на српското ИТ здружение.
Регулативата што беше донесена во 2022 година, а која требаше да важи до крајот на 2029 година, се однесуваше на „новонаселени лица за кои постои потреба што не може лесно да се задоволи на домашниот пазар на трудот“.
Уредбата предвидуваше стимулации во износ од 70 проценти од данокот на плата и враќање на 100 проценти од платените придонеси за ПИО за максимален период од 60 месеци, почнувајќи од 1 јули 2022 година и завршувајќи на 31 декември 2029 година, објави Бизнис.рс.