Бизнис
Германските плати со повисок раст од инфлацијата
02.09.2025
Платите во Германија во вториот квартал се зголемија за 4,1 процент, со раст значително повисок од инфлацијата, објави Дестатис.
Инфлацијата во истиот период изнесуваше 2,1 процент, што значи дека платите се зголемија за реални 1,9 проценти, пишува ДПА.
Од април до јуни годинава, номиналните плати пораснаа над просекот во финансиските и осигурителните услуги, за 7,6 проценти, исто толку во професионалните, научните и техничките услуги. Во другите економски услуги растот е 5,5 проценти. Во секторот за снабдување со енергија, платите се намалија за 0,2 проценти, пренесува Б92.