Бизнис
КОЛКАВА Е ЗАШТЕДАТА ЗА СРПСКИТЕ ГРАЃАНИ СО ОГРАНИЧУВАЊЕТО НА ТРГОВСКИТЕ МАРЖИ!
01.09.2025
По повод почетокот на спроведувањето на Уредбата за ограничување на трговските маржи на 20 отсто, првиот вицепремиер и министер за финансии во Србија Синиша Мали денеска пазареше во истиот маркет, каде што минатата недела купи артикли од 23 категории, и за истите производи доби пониска сметка за околу 15 отсто.
За 25 производи од истите артикли плати 4.247 динари, а минатата недела, пред да стапи во сила регулативата плати 4.992 динари за истите производи.
- Ова е многу важна вест и зборува за успехот на она што го направивме. Разликата е 745 динари за само еден ден, една сметка за основна храна, лична употреба и хемикалии за домаќинството е пониска за 745 динари, или 14,9 проценти. Успеавме во она што го ветивме и она што го рече претседателот Вучиќ, дека цените ќе бидат пониски за најмалку 10 до 20 проценти, изјави Мали пред новинарите по купувањето.
Тој потсети дека регулативата важи од денес за 23 категории производи, односно за околу 20.000 производи што граѓаните најчесто ги купуваат - производи за лична хигиена, хемикалии за домаќинството, прехранбени производи.
Српски Курир денеска направи преглед на новите и старите цени на некои поважни производи, со денешната примена на уредбата за намалкување на маржата. (едно евро се разменува за 117 динари)
Лична хигиена
Паста за заби 75 мл
- стара цена 119,99-169,99 динари
- нова цена 99,99-129 динари
Салфетки жолти двослојни, пакување од 2 парчиња
- стара цена 179,99 динари
- нова цена 151,99 динари
Пелени за бебиња од 68 парчиња
- стара цена 2.149,99-2.699,99 динари
- нова цена 1.999-2.769 динари
Грав, 1 кг
- стара цена 319,99-369,99 динари
- нова цена 269,99-339,99 динари
Пепси, 2 л
- стара цена 134,99 -149,99 динари
- нова цена 119,99-149,99 динари
Краставица, 1 кг
- стара цена 99-169,99 динари
- нова цена 99,99-139,99 динари
Банани, 1 кг
- стара цена 199,99-229,99 динари
- нова цена 169,99-229,99 динари
Замрзнат ослиќ, 800 гр
- стара цена 1.299,99-1.549,99 динари
- нова цена 1.179,99- 1.485,99 динари
Свинско
- стара цена 699,99-999 динари
- нова цена 579-699,99 динари