Бизнис
Потрошувачката на лекови за слабеење бележи висок раст, објавија од хрватската агенција за лекови
31.08.2025
Хрватската агенција за лекови и медицински помагала (ХАЛМЕД) објави дека во 2024 година, потрошувачката на лекови, вклучително и оние што се користат за слабеење, се зголемила за 28 проценти.
Најголем пораст е забележан кај лековите што првенствено се препишуваат за третман на дијабетес тип 2, а во последниве години тие се повеќе се користат и за регулирање на телесната тежина.
Експертите предупредуваат дека овие лекови не треба да се користат по сопствена иницијатива, бидејќи нивната употреба надвор од официјалните индикации може да има сериозни здравствени последици.
Несаканите ефекти вклучуваат проблеми со варењето, но и посериозни компликации, a тие треба да се земаат исклучиво под медицински надзор, нагласуваат во ХАЛМЕД.
Агенцијата, исто така, потсетува на важноста од пријавување на сите несакани ефекти, со цел следење на безбедноста на употребата на лековите кај населението.
Зголемена потрошувачка на овие препарати е забележана и во други европски земји, што е поврзано со глобалниот тренд на растечки интерес за лекови што влијаат на телесната тежина и нивната зголемена достапност на пазарот.
Растот на потрошувачката во Хрватска покажува дека трендот се проширил и на домашните корисници, па затоа ХАЛМЕД ги повикува граѓаните да се консултираат со лекар пред да земаат вакви лекови, пренесува Сеебиз.