Бизнис
ГЕРМАНЦИТЕ СЕ ПЛАШАТ ОД ОТКАЗИ И ПОМАЛКУ ТРОШАТ
28.08.2025
Германските потрошувачи беа помалку подготвени да трошат пари во август трет месец по ред, покажува новото истражување на Нирнбершкиот институт за истражување на пазарот GfK.
Неподготвеноста на луѓето кога одлучуваат да купат нешто е првенствено предизвикана од очекувањето за пониски заработки поради состојбата на пазарот на трудот, пренесува ДПА.
„Растечкиот страв од губење на работните места ги обесхрабрува многу потрошувачи да прават поголеми купувања“, рече Ролф Буркл,аналитичарот на Институтот.
Исто така, и зголемените трошоци за живот, придонесуваат за неподготвеноста за поголеми трошења.
Истражувањето укажува на сè подлабок песимизам во однос на очекувањата за следниот период. Релевантниот индекс падна на најниско ниво во последните шест месеци, бидејќи потрошувачите не очекуваат моментално економско закрепнување.
Домашната потрошувачка, e еден од столбовите на германската економија, долго време е во пад под влијание на низа кризи.