Бизнис
ТАКСИСТИ ЗА НЕКОЛКУ КИЛОМЕТРИ НАПЛАТУВАЛЕ 150 ЕВРА НА ТУРИСТИ , Хрватска ќе го спречува дивеењето на цени во такси превозот
28.08.2025
Министерството за транспорт, поморство и инфраструктура на Хрватска наскоро ќе иницира значајни измени во Законот за патен сообраќај, со што повторно ќе се ограничат максималните цени за таксистите во Хрватска.
Причината беа бројните случаи за кои се пишуваше ова лето, кога некои таксисти наплаќаа 150 евра или повеќе за возење неколку километри.
Вицепремиерот и министер за поморство, транспорт и инфраструктура Олег Бутковиќ во среда најави измени во Законот за патен сообраќај со цел да се ограничи максималната цена за таксистите бидејќи, рече тој, цените растат без никакви критериуми.
„Сè уште ќе го пресметаме тоа, ќе видиме колку би било бидејќи не смееме да ризикуваме да стане работа што никој повеќе нема да ја работи, ако цената е многу ниска. Мораме внимателно да го процениме тоа“, рече министерот Олег Бутковиќ во Дневник Нова ТВ, коментирајќи го фактот дека ова лето некои корисници на такси услуги добија исклучително големи сметки за возење такси.
Покрај планирањето за ограничување на цените, Министерството за транспорт размислува и за воведување посебни регистарски таблички за такси возила, како и дополнителни мерки во врска со апликациите и платформите што ги поврзуваат возачите и патниците.
„Лицата кои управуваат со такси воопшто не се обележани и немаат ознака дека се такси возила. Ќе го разгледаме предлогот според Министерството за внатрешни работи да се воведуваат регистарски таблички за такси возилата, па затоа ќе бидат обележани“, најави Бутковиќ.