Бизнис
За германските туристи Грција и Шпанија станале поевтини од Турција, пишуваат германските медиуми
27.08.2025
Од почетокот на годинава 28,4 милиони гости ја посетиле Турција и за 2,1 процент помалку отколку во истиот период минатата година. Целта за оваа година, според претходните најави од турскиот министер за туризам, е остварување на 65 милиони гости односно приход од 64 милијарди долари.
Цените во услужниот сектор во Турција од неодамна се зголемија за 50 проценти, - што е најмалото зголемување од средината на 2022 година. Но, и овој раст е значаен за зголемувањето на трошоците во турската туристичка економија.
„Поради ова, десетици илјади Турци ги поминаа своите одмори на грчките острови. Земјата сè уште има висока инфлација од 33,5 проценти, каматните стапки се исто така високи, а вистинското зајакнување на курсот на турската лира ја ослабна конкурентноста на турската извозна индустрија“, пишува германскиот весник Франкфуртер Алгемајне Цајтунг
Туризмот е една од најважните економски гранки во Турција, со околу 10 проценти од националниот БДП. Во исто време, туризмот вработува околу пет проценти од вработените во таа земја.
Според Министерството за култура и туризам, 6,97 милиони туристи ја посетиле Турција во текот на јули оваа година. Повеќето од нив биле Германци: 981.000, што е за околу 55.000 помалку од претходната година. По нив следат Русите (954.000), Британците (597.000), Полјаците (329.000) и Холанѓаните (260.000). Ова е за пет проценти помалку отколку во истиот месец во 2024 година.
Како што заклучува Франкфуртер Алгемајне, се зборува и дека некои дестинации во Грција или Шпанија во меѓувреме станале поевтини од Турција, пренесува Дојче веле.