Бизнис
Зголемен откупот кај доматите, намален кај млекото
27.08.2025
Вредноста на откупот и продажбата на земјоделските производи во второто тримесечје од 2025 година во Македонија изнесува 3,6 милијарди денари, објави Државниот завод за статистика.
Во второто тримесечје од 2025 година, кај откупот на земјоделски производи од индивидуалните производители е забележано зголемување за 26,4 %, а кај продажбата на земјоделски производи од сопствено производство e забележано намалување за 5 %.
Откупот и продажбата во второто тримесечје од 2025 година, во однос на истиот период од претходната година, се зголемени за 7,2 %.
Зголемување на откупот и продажбата во наведениот период има кај пченицата и изнесува 1.297 тони ( 1.236 тони во второто тримесечје од 2024), домати 7142 тони (6827 тони) , свињи 2690 тони (1191 т.) и намалување кај млекото 287 868 хл (326 618 хл во 2024).
Откуп и продажба на земјоделски производи по групи во второ тримесечје 2025 година е зголемено кај полјоделството за 32,6 отсто и овоштарството за 383,9 отсто!
Намалување на откупот и продажбата има кај алкохолните пијалоци за 3,4 отсто, кај сточарството за 2,1 отсто и кај рибата за 19,5 отсто.