Бизнис
Mожен крај на германската криза во 2025 година, предвидување на Германската банка за развој KfW
25.08.2025
Германската банка за развој KfW предвидува дека домашната економија ќе ја заврши оваа година со кревок раст на бруто домашниот производ, со што сигнализира можен крај на повеќегодишната економска криза.
KfW ја ревидираше својата прогноза за 2025 година од стагнација на економски раст со стапка од 0,2 проценти. За 2026 година, ја зголеми прогнозата од 0,5 проценти раст на точно еден процент, пренесува DPA.
Според проценката на банката, растот ќе биде слаб во тековниот квартал, но со текот на времето ќе добие на интензитет.
„Германската економија треба да има сè посилен ветер во едрата до крајот на годината“, рече нејзиниот главен економист Дирк Шумахер.
Шумахер очекува масовната инвестициска програма на владата да ја поттикне економијата во последниот квартал. На ова укажува зголемената побарувачка за кредити, како кај компаниите, така и кај домаќинствата.
Фискалниот стимул на владата ќе пристигне „побрзо и посилно од очекуваното“, додаде тој.
Шумахер истакна дека домашните компании се справуваат со трговскиот спор меѓу САД и Европската Унија подобро отколку што се стравуваше.
Банката KfW не е сама во проценката дека Германија ќе излезе од рецесија по две последователни години. Економските институти и Бундесбанк неодамна излегоа со прогнози за послаб раст оваа година, пренесува Бизнис.рс.