Бизнис
ГЕРМАНИЈА ВО КРИЗА, НО ГЕРМАНЦИТЕ ВОЗАТ 590 АВТОМОБИЛИ НА 1.000 ЖИТЕЛИ!
25.08.2025
Во Германија во 2024 година се регистрирани 49,3 милиони автомобили. Sпоред податоците од германската статистичка служба Дестатис, Германците остварија и рекордна стапка на моторизација со 590 патнички автомобили на 1.000 жители.
Минатата година, статистичарите во Германија регистрираа 588 патнички автомобили на 1.000 жители, а годината пред тоа 587 патнички автомобили на 1.000 жители, објави германската новинска агенција ДПА, која ги анализираше податоците на Дестатис објавени оваа недела.
Највисока стапка на моторизација е забележана во сојузната покраина Сарланд, каде што статистичарите регистрирале 646 автомобили на 1.000 жители. По нив следат сојузните покраини Рајнска област-Пфалц (641) и Баварија (635).
Од друга страна, сојузните покраини со најниски стапки на моторизација беа Берлин (334), Бремен (427) и Хамбург (435).
Во споредба со претходната година, стапката на моторизација се зголеми во повеќето германски покраини. Во Баварија, таа остана непроменета, додека намалување е забележано во Берлин, Бремен, Хамбург и Хесен. Во вторите, стапката на моторизација минимално се намали, од 623 на 622 автомобили на 1.000 жители.
Според германската статистика, стапката на моторизација во Германија постојано расте од 2008 година.
Вкупниот број на регистрирани патнички автомобили во Германија, исто така, достигна нов рекорд. На 1 јануари имало 49,3 милиони, пренесува Сеебиз.