Бизнис
Трамп со нови царини ќе ја спасува и американската индустрија на мебел
24.08.2025
Американските власти започнаа истрага за увоз на мебел во Соединетите Американски Држави, потврди претседателот Доналд Трамп во петокот, поставувајќи ја основата за нови царини за широк спектар на производи.
„Во следните 50 дена, таа истрага ќе биде завршена, а мебелот што доаѓа од други земји во Соединетите Американски Држави ќе биде оптоварен со царини, чија стапка сè уште не е утврдена“, напиша Трамп на својата платформа.
Според него, ова ќе ја врати индустријата за мебел во Северна и Јужна Каролина, Мичиген и сите федерални држави..
Новите царини би можеле да ги зголемат трошоците за многу од големите брендови, но не за сите. Новите царини нема да ја остават недопрена американската индустрија за мебел, која се соочува со низа предизвици.
Поради намалување на продажбата на недвижнини потрошувачите имаат помалку причини да купуваат нов мебел.
Дополнително, во услови на постојана инфлација, американските потрошувачи станаа повнимателни во трошењето и значително ги намалија трошоците за ресторани, нова облека, патувања и декорација на домот, пренесува Пословни дневник.