Бизнис
Поскапува преносот и дистрибуцијата на струја во Србија
24.08.2025
Од 1 октомври 2025 година во Србија ќе се применуваат новите повисоките цени за пренос и дистрибуција на електрична енергија. Преносот на струја ќе поскапи за 10 проценти, а дистрибуцијата за 16 проценти во споредба со цените од 2021 година.
Во исто време, се менува ограничувањето за влегување во поскапата, „црвена“ зона на потрошувачка - од 1.600 на 1.200 kWh месечно. Продолжени се и одредени привилегии за домаќинствата со трифазни приклучоци, кои ќе важат до крајот на 2026 година.
Советот на Агенцијата за енергетика на Република Србија донесе одлуки во врска со промените на цените за пренос и дистрибуција на електрична енергија, кои ќе стапат на сила на 1 октомври 2025 година, пренесува РТС.
За домаќинствата што имаат трифазен приклучок и одобрена моќност помеѓу 11,04 kW и 17,25 kW, сепак ќе се наплаќа помала моќност под одредени услови - што може да ги намали сметките. Доколку месечната потрошувачка не надминува 350 kWh, пресметката се признава на 6,90 kW.