Бизнис
Новите станови во Црна Гора се продаваат за 2.201 еврo за квадрат
21.08.2025
Просечната цена по квадратен метар на новоизграден стан во Црна Гора во вториот квартал од 2025 година продолжи да расте.
На национално ниво, цената на просечен квадратен метар на нов стан изнесуваше 2.201 евра, a во Подгорица 2.108 евра.
Цените на становите во Подгорица се зголемија за два проценти во споредба со претходниот квартал, додека растот е подрастичен кога ќе се земат просечните цени од претходната година. За квадратен метар на нов стан во главниот град на Црна Гора минатата година беа потребни дури 345 евра помалку отколку сега, што е за 19,5 проценти помалку.
Во крајбрежниот регион цените се уште повисоки: 2.333 евра, додека на северот на земјата, просекот за првата половина од годината изнесуваше 1.547 евра.
Најевтините станови се во централниот регион, каде што просечниот квадратен метар чини 1.068 евра.
Просечната цена по квадратен метар стан во нова зграда во Црна Гора во категоријата компании во вториот квартал изнесувала 2.200 евра, додека во категоријата солидарна станбена изградба не е евидентирана продажба на станови во нови згради.
Од Монстат објаснуваат дека при пресметката на просечната цена по квадратен метар стан во нова зграда се земаат предвид само становите што се продадени за прв пат на пазарот, односно за кои е склучен договор за продажба за прв пат, пренесува Инвеститор.ме.