Бизнис
МИНИМАЛНИ И БРУТО ПЛАТИ ВО ЦЕНТРАЛНА И ИСТОЧНА ЕВРОПА, ХРВАТСКА НАПРЕДУВАЛА ВО РАСТОТ НА БРУТО ПЛАТА
21.08.2025
Според најновите податоци од Виенскиот институт за меѓународни економски студии (WIIW), просечната бруто плата во Хрватска во март 2025 година изнесувала 2.014 евра.
Во споредба со соседните земји, Хрватска сè уште е во горниот дел од скалата во однос на нивото на просечната бруто плата.
Споредбата со земјите од Централна и Источна Европа, која редовно ја објавува Виенскиот институт за меѓународни економски студии, покажува дека Хрватска напредувала во тој ранг од десет земји. Со просечна бруто плата од 1.968 евра во првиот квартал од оваа година, таа се рангирала на третото место. Во Чешка платата во истиот период изнесувала речиси сто евра помалку, односно 1.871 евра. Словенија сè уште има највисока просечна бруто плата од 2.464 евра, а Полска е на второто место со 2.076 евра. Вториот дел од рангирањето го заземаат Романија (1.831 евра), Унгарија (1.681 евра), Словачка (1.518 евра) и Бугарија (1.249 евра).
Кога ќе се земе предвид инфлацијата, анализата на РБА покажува дека реалните плати во Унгарија во тој период се намалиле за 0,5 проценти, додека сите други земји забележале позитивна реална стапка - највисока во Хрватска, од 7,6 проценти, Полска и Бугарија од 7 проценти, Романија од 6,1 процент, Словенија од 4,9 проценти и Чешка од 3,9 проценти.
Минималната бруто плата пресметана за втората половина од 2025 година, таа изнесуваше 970 евра во Хрватска. Како што се очекуваше, највисока е забележана во Словенија, 1278 евра, а на второ место е повторно Полска со 1100 евра. Во Чешка таа изнесуваше 841 евро, во Словачка 816 евра, по што следат Романија (797 евра) и Унгарија (727 евра), пренесува Сеебиз.
фото freepic