Бизнис
СТАНОВИТЕ СЕ ПРЕСКАПИ ЗА КУПУВАЧИТЕ И ТИЕ БАРААТ „ПОДОБРА МОЖНОСТ“, истражување во Србија
18.08.2025
Kупувачите и закупувачите на станови во Србија денес се повнимателни и побавни во донесувањето одлуки при купувањето или користењето на недвижност за домување, покажува најновото истражување на страницата 4zida.rs, спроведено на почетокот на август меѓу повеќе од 400 корисници на страницата и 43 агенции за недвижности.
Повеќе од половина од нив (56 проценти од купувачите и 45 проценти од закупувачите) наведуваат дека бараат „добра можност“ наместо да брзаат, додека дури 90 проценти од купувачите сметаат дека цените се превисоки.
Целта на истражувањето беше да се добие увид во активностите и мотивите на купувачите и закупувачите на домашниот пазар на недвижности, како и да се анализираат причините за купување или изнајмување, начинот на финансирање и проценка на влијанието на макроекономските фактори врз донесувањето одлуки.
Според истражувањето, мнозинството купувачи на станови во Србија се на возраст меѓу 26 и 55 години, додека закупувачите се претежно помлади - тие се најзастапени во возрасните групи од 18 до 25 и од 26 до 35 години, пренесува Данас.