Бизнис
Тиквеш оствари добивка во првата половина годинава
04.08.2025
Винарската визба Тиквеш АД Кавадарци во првите шест месеци годинава оствари зголемување на вкупните приходи од 2% во однос на истиот период од минатата година, при што се оствари бруто добивка на износ од 712,7 мил. денари. Административните трошоци бележат зголемување од 7%, а трошоците за продажба и маркетинг намалување од 3%. Oстанатите оперативни расходи се на исто ниво како и минатата година. Остварена е оперативната добивка на износ од 181,8 мил.денари и нето добивката по оданочување на износ од 132,2 мил. денари, што е на исто ниво како и минатата година, се наведува во Образложението кон финансискиот извештај за периодот 01.01.2025 - 30.06.2025 доставен до Македонската берза.
Во првата половина од 2024 година се остварија вложувања во материјални средства од 3,5 мил. денари.
Промени во кредитните задолжувања (намалувања или зголемување поголеми од 30% споредено со последните годишни ревидирани финансиски извештаи) не беа остварени.
Во 2025 година во работењето на Винарската визба Тиквеш АД Кавадарци не се имплементирани промени во сметководствените политики и методи на вреднување на ставките во финансиските извештаи.