Бизнис

М6 Едукативен центар и првата национална стриминг платформа „Глеј“ во стратешко партнерство за дигитална продукција и корпоративна едукација

04.08.2025

„Глеј" станува дел од семејството

 

Со оваа соработка, „Глеј" официјално станува дел од семејството на М6 Едукативен центар, приклучувајќи се на заедница од над 30 водечки компании кои активно придонесуваат за развојот на корпоративната едукација, иновативноста и професионалниот раст во деловното опкружување во земјава. Партнерството ќе ја засили интеграцијата на дигиталната продукција со образовната содржина, проширувајќи ги границите на достапност и влијание на македонскиот јазик и културната автентичност.

Дигитална продукција и Корпоративна едукација

 

„Чекор напред", водечкиот поткаст на М6, ќе добие ексклузивен простор на платформата „Глеј", каде ќе бидат поставени постоечките и новите содржини кои ќе се продуцираат. Ова е прв чекор во низа заеднички иницијативи кои ќе следуваат, а кои ќе вклучуваат тематски
серијали, интерактивни поткасти, вебинари, истражувачки проекти и менторски сесии. Со овса соработка се проширува екосистемот на М6 кој покрај компании вклучува и институции и универзитети кои имаат иста цел - одржлив развој на поединците, компаниите и државата.

Проширување на границите на достапност 

 

Ова партнерство дополнително ја зацврстува позицијата на „Глеј" како технолошки и медиумски предводник, особено по неговиот историски влез на Македонската берза преку иницијалната јавна понуда (IPO), потврдувајќи дека домашната продукција и едукација имаат иднина кога се обединети.

„Ова е значителен чекор напред во промоцијата на едукацијата на пошироката јавност. Ќе создадеме единствено онлајн место каде што
најдобрите практики, иновативните решенија на најдобрите практики ќе ги споделиме со оние кои сакаат да одат Чекор напред во работата, во животот." Изјави Елена Младеновска Јеленковиќ, извршна директорка на М6 Едукативен центар.  „Чест ни е што се приклучуваме на M6 Едукативниот центар и на групата компании од одборот
на старатели чии успеси го надминуваат македонскиот пазар и конкурентно се позиционирани на регионалните и светските пазари. Заедно ќе го обликуваме идниот едукативен дигитален пејсаж во Македонија, обезбедувајќи висококвалитетна, домашно продуцирана содржина", додаде Дарко Перушески, извршен директор и коосновач на СВОД - МАСТЕР АД.

ПРЕПОРАЧАНО

ПАЗАРОТ НА НЕДВИЖНОСТИ ВО КИНА Е ПОД НОВ ПРИТИСОК, побарувачката за станови останува ниска, купувачите се претпазливи, а цените на недвижностите паднаа

НА ЦРН ПЕТОК АМЕРИКАНЦИТЕ КОРИСТЕЛЕ ВИ ЗА СЛЕДЕЊЕ НА ПОПУСТИТЕ, најпродавани производи се телевизорите, миксерите, машини за перење алишта...

Полуфинален настан на „Средношколец милионер“

Петрова: Нето наплатата на даноците и социјалните придонеси за 260 милиони евра повеќе отколку лани

Најчитано

“ЕУРО-МАК-КОМПАНИ” Д.О.О е членка на асоцијацијата за заштита на печатени медиуми