Бизнис
Гранит со позитивни резултати, очекувањата за наредниот период се добивање на нови проекти
04.08.2025
ГД Гранит АД Скопје за периодот jануари – jуни 2025 година оствари позитивни финансиски резултати искажани во неревидираните единечни финансиски извештаи, се наведува во Образложението за остварените резултати доставено од градежната компанија до Македонска берза.
Вкупни приходи
Остварените единечни вкупни приходи во периодот во првата половина годинава изнесуваат 1.411.159 илјади денари и во споредба со остварените во истиот период 2024 година бележат намалување.
Приходите од продажба за наведениот период изнесуваат 1.170.815 илјади денари и во споредба со остварените во истиот период 2024 година бележат намалување пред се пред се како резултат на фактот дека неколку поголеми проекти на кои работеше Друштвото се завршени до крајот на 2024 година, додека нови проекти се уште се во тендерска процедура.
Финансиските приходи за периодот јануари - јуни 2025 година изнесуваат 147.600 илјади денари и во споредба со остварените во истиот период 2024 година бележат зголемување пред се како резултат на повисоката добиена дивиденда од акциите во Комерцијална банка АД Скопје.
Вкупни расходи
Остварените единечни вкупни расходи во се во износ од 1.249.229 илјади денари, споредено со истиот период 2024 година бележат намалување и истото е соодветно на намалувањето на приходите од продажба.
Во периодот јануари – јуни 2025 година, Друштвото оствари позитивен резултат (добивка) во износ од 161.930 илјади денари, додека вкупната сеопфатна добивка изнесува 161.816 илјади денари поради малата промена на пазарната вредност на портфолиото акции кои ги поседува Друштвото во првата половина на 2025 година.
Дивиденда
Во периодот јануари – јуни 2025 година, е одржано Годишното Собрание на акционери за 2024 година на 26.05.2025 на кое се одлучувало за распределба на дивиденда за 2024 година и истата изнесува 105.267.752 денари или 38 денари бруто по една акација.
Исплатата на оваа дивиденда ќе се изврши до 30.09.2025 година.
Инвестиции
Вкупните инвестиции во основни средства изнесуваат 124.611 илјади денари во опрема и механизација.
Очекувања во престојниот период
Со оглед на вкупната економска состојба во државата очекувањата за наредниот период се добивање на нови проекти од областа на градежната инфраструктура преку нови тендери и побрзо завршување на постоечките тендерски процедури, информираат од Гранит.