Бизнис
ОПЕК+ го зголемува производството на нафта од септември!
03.08.2025
Земјите од ОПЕК+ постигнале прелиминарен договор за зголемување на производството на нафта за 548.000 барели дневно од септември, соопштија денес три извори.
Конечната одлука се очекува на виртуелниот состанок закажан за денес, бидејќи САД го зголемуваат притисокот врз Индија да престане да купува руска нафта како дел од напорите на Вашингтон да ја натера Москва да седне на преговарачка маса за постигнување мировен договор со Украина, објавува Ројтерс.
ОПЕК+ вклучува 10 земји кои не се членки на ОПЕК, од кои најзначајни се Русија и Казахстан.
Групата, која произведува околу половина од светската нафта, го намалува производството во последните неколку години за да ги одржи повисоките цените на нафтата.
ОПЕК го промени курсот оваа година во обид да го врати пазарниот удел, делумно поттикнат од повиците на претседателот на Соединетите Американски Држави, Доналд Трамп, за зголемување на производството, пренесува Б92.
фото freepic