Бизнис
Како работеше Мермерен комбинат Прилеп во периодот 1 јануари до 30 јуни 2025
01.08.2025
Мермерен комбинат АД Прилеп за периодот од 1 јануари до 30 јуни 2025 година оствари приходи од продажба во износ од 796.724 илјади денари што претставува намалување за 14,31% споредено со истиот период од минатата година. Остварената оперативна добивка за периодот е во износ од 346.397 илјади денари, што споредено со остварената оперативна добивка за истиот период во 2024 година во износ од 536.976 илјади денари претставува намалување за 35,72%, се наведува во Образложението на Друштвото кон резултатите за периодот од 1 јануари до 30 јуни 2025 година, доставено до Македонска берза.
EBITDA за периодот од 1 јануари до 30 јуни 2025 година изнесува 413.706 илјади денари, а наспроти остварениот износ од 610.726 илјади денари во истиот период од минатата година покажува намалување за 32,29%. Крајниот резултат по оданочување е позитивен и изнесува 310.665 илјади денари и претставува намалување од 35,65% споредено со остварената добивка за истиот период од минатата година (30 јуни 2024: 482.537 илјади денари).
Зголемувањето од 31,38% на трошоците на продадените производи и услуги главно се припишува на ликвидацијата на стари залихи, поточно, фабричките залихи стари над 10 години кои останале непродадени во претходните години. Оваа залиха носеше големи историски трошоци и еднократното расчистување материјално влијае на структурата на трошоците.
По измените на Тарифата за одредување на износот на надоместоци за експлоатација на минерални суровини, објавена во Службен весник бр. 268 од 25 декември 2024 година, концесискиот надоместок бележи зголемување за 277% во споредба со минатата година. Оперативните расходи за периодот се повисоки за 5,65% во однос на остварените во истиот период од минатата година.
Од оперативните трошоци најголем дел отпаѓа на трошоците за вработени, кои во периодот покажуваат зголемување од 11,29% споредено со истиот период минатата година. Евидентирано е намалување на трошоците за надворешни услуги за 29,39%. Зголемување од 8,23% е евидентирано кај трошоците за енергија, суровини и материјали, кои се втор најголем трошок за Друштвото.
Во периодот заклучно со 30 јуни 2025 година Друштвото исплати дивиденди на своите малцински акционери во вкупен нето износ од 66.737 илјади денари и 7.409 илјади денари данок на исплатени дивиденди