Бизнис
Македонијатурист со зголемени приходи од продажбата
01.08.2025
Македонијатурист ХУАД - Скопје во шесте месеци од 2025 година од хотелски и ресторански услуги како основна дејност како и од други споредни дејности оствари позитивен финансиски резултат односно добивка по оданочување од 143,653 мил. Денари, се наведува во Коментарот на билансот на успех на компанијата за периодот 01.01.-30.06.2025 доставен до Македонската берза.
Вкупните приходи за шесте месеци од 2025 год. изнесуваат 331,833 мил. денари и се зголемени за 57% додека пак приходите од продажба на Друштвото се зголемени за 28% во однос на истиот период минатата 2024 година.
Вкупните трошоци и расходи од работењето за шесте месеци од 2025 год. изнесуваат 178,847 мил. денари и се зголемени за 17% во однос на 2024 година.
Финансиски показатели како што се степенот на финансиска сигурност, степенот на самофинансирање и општата ликвидност на Друштвото се на доста високо ниво.
Акции и дивиденда
На годишната седница на Собранието на акционери одржана на 26.05.2025 година, не e донесена Одлука за исплата на дивиденда.
Планирани активности
Планираните активности на “Македонијатурист“ АД Скопје за 2025 год. се во согласност со сите законски регулативи, како и со стратегијата за развој на Друштвото. Главните инвестициски активности на Друштвото во вториот дел на 2025 година ќе бидат насочени кон завршување на веќе започнатите инвестициски активности, како и започнување на нови инвестициската. Останатите инвестициски активности предвидени за 2025 година се однесуваат на модернизација и санација на остантите капацитети со кои располага Друштвото, информираат од Македонијатурист АД- Скопје.