Бизнис
Мицкоски: Консолидирањето заврши, годинава ќе ги достигнеме предвидените 3,5 - 4 отсто раст
31.07.2025
Премиерот Христина Мицкоски е убеден дека земјава до крајот на годината ќе го достигне предвидениот раст меѓу 3,5 - 4 проценти.Според Мицкоски, растат сите параметри од аспект на макроекономската слика, и индустриското производство и преработувачката индустрија и туризмот,..., и нето и бруто платата растат со стапка од 11 отсто и покрај обидот на некој од опозицијата да каже дека тоа не е точно.
- Моментната економска состојба е стабилна со тенденција на раст, тоа беше потврдено и од „Стандард и Пурс“. Сценаријата што ги слушавме во јавноста дека слабо и лошо ни оди, никако да се реализираат. Имајќи предвид каква состојба наследивме - хаос, катаклизма и криминал, успеваме за краток период да се консолидираме. Опозцијата континуирано изнесува лаги и невистини, но бројките кажуваат се и тие се безмилосни, нагласи Мицкоски.
Тој рече дека најверојатно Царината ќе надмине наплата од 12 милијарди денари и заклучно со денеска ќе достигне 12,5 милијарди денари, но, сепак, повика да се причекаат официјалните резултати.
- Се уште ова е неофицијално зашто денеска е последниот ден од јули. Царината прв пат пробива 12 милијарди денари наплата, очекувам денеска да достигне 12,5 милијарди денари. Добра вест имаме и од УЈП која ја натфрли за 15 отсто наплатата во јули и сега бркаме наплатениот ДДВ да достигне над тие 15 проценти споредено со јули минатата година. Ова говори дека периодот на стабилизирање е завршен и дека почнува периодот на раст. Денеска имаме уште една потврда - индустриското производство продолжува да расне и во јуни има мал 0,5 отсто раст споредено со јуни лани, но тоа е веќе трет месец по ред. Се зголемува и преработувачката индустрија, како и туризмот, потенцира премиерот.
Извор/фото МИА