Бизнис
ПРЕПОЛОВЕН БРОЈОТ НА МОЛЗНИ КРАВИ ВО СРБИЈА, поради сушата се очекува дополнително намалување на производството на млеко
28.07.2025
Во Србија има околу 150.000 млечни крави и нивниот број се намалува секој ден. Во 2013 година во Србија имало 500.000 млечни крави, а на крајот од 2023 година нивниот број е намален на 330.000, покажуваат податоците од Републичкиот завод за статистика (РЗС).
- Бројот на млечни крави во Србија драстично и драматично се намалува, а доколку државата итно не го запре негативниот тренд, би можеле да завршиме дури и без малкуте преостанати крави, изјави Рајко Јеличиќ, член на Одделот за земјоделство на Српската централна партија (СЦЕ).
Главните причини за таквата состојба се ниската откупна цена на млекото, неконтролираниот увоз, скапата сточна храна, недостатокот на работна сила и целокупниот пад на профитабилноста на одгледувањето на крави во Србија, наведуваат експертите.
Поради нарушувањето на пазарот предизвикано од неконтролираниот увоз на млеко во прав, млекарниците ги намалија откупните цени, кои сега со премија од 19 динари за литар изнесуваат 70 динари, вели Јеличиќ . Додава дека оваа година може да биде катастрофална бидејќи поради сушата, многу земјоделци нема да можат да обезбедат храна за зимата, пренесува Н1.
фото freepic