Бизнис
Висок раст на бројот на регистрирани јахти под знамето на Црна Гора
25.07.2025
За помалку од три години, бројот на јахти регистрирани под црногорското знаме се зголемил за дури 77%, од 298 на 528 пловила. Сопственици на пловилата потекнуваат од 49 земји. Црна Гора сè повеќе се позиционира како привлечно пристаниште за регистрација на луксузни јахти, но и како даночен и административен рај за сопствениците на бродови од различни делови на светот, објави Банкар.ме.
Регистарот на јахти што пловат под црногорското знаме брои 528 регистрирани пловила до 21 јули 2025 година. Најзастапените сопственици се од Србија (161) и Русија (121), кои заедно сочинуваат повеќе од половина од вкупниот број. По неа следува Црна Гора со 75 јахти, потоа Украина (20), Соединетите Американски Држави (19), Босна и Херцеговина (16), Израел (10) и Естонија, Германија и Швајцарија со по 8 до 9 пловила.
Сопствениците на јахти од Европската Унија сочинуваат само 8% од односно 43 од вкупно 528 пловила.
Од крајот на 2022 година до јули 2025 година, бројот на јахти се зголемил за 77,2%, односно за 230 нови пловила. Само во претходните 12 месеци, бројот се зголемил за 10,7%, што укажува на забавување на растот во споредба со претходниот период.