Бизнис
ПО 20 ГОДИНИ ЗАБРАНА САД ЌЕ МОЖЕ ДА ИЗВЕЗУВА ГОВЕДСКО МЕСО ВО АВСТРАЛИЈА
25.07.2025
Австралија одлучи да ги ублажи ограничувањата за увоз на говедско месо од Соединетите Американски Држави, објави денес Министерството за земјоделство на земјата.
Ресорниот министер Џули Колинс изјави дека новите мерки се засновани на „ригорозна научна проценка“ и дека американските методи за следење на движењата на добитокот сега се доволно ефикасни за да ги намалат биолошките ризици, објави Ројтерс.
Австралија го ограничи увозот на говедско месо од САД од 2003 година поради загриженост за говедска спонгиформна енцефалопатија (БСЕ), позната како „болест на луди крави“.
Сепак, од 2019 година, дозволен е увоз на месо од животни родени, одгледани и заклани во САД.
Новите правила сега дозволуваат увоз на говеда родени во Канада или Мексико, но легално увезени и заклани во САД.
Aналитичарите предупредуваат дека е малку веројатно значително да се зголеми количината на говедско месо од САД на австралискиот пазар, бидејќи цените на говедското месо во САД се значително повисоки во споредба со австралиските.
Минатата година, извозот на говедско месо од САД достигна рекордни 269 тони, додека во текот на истата година Австралија извезе говедско месо во САД во вредност од четири милијарди австралиски долари, објави Политика.
фото freepic