Бизнис
АЗЕСКИ И ЛОРД БАРОН КРИСТОФЕР ГАЈТ НА СРЕДБА ВО КОМОРАТА
23.07.2025г
Во просториите на Стопанската комора претседателот Бранко Азески ќе оствари работна средба со Лорд Барон Кристофер Гајт (секретар / главен политички советник на Кралицата Елизабета II, 2007-2017), Џорџ Базби и Рубен Џонсон, сите тројца актуелни директори на непрофитната фондација „ЗАПАДЕН БАЛКАН 30: За обединета, безбедна и просперитетна Европа“.
Станува збор за организација, непрофитна фондација регистрирана во Хаг, која се залага за пристапување на сите земји од Западен Балкан (ЗБ) во Европската Унија до 2030 година. Во Скопје, тројцата директори на фондацијата, сите со повеќе од три децении поврзаност со Балканот, ќе имаат средба на три локации, со претседателот на Владата на РСМ, Христијан Мицкоски, министерот за надворешни работи и надворешна трговија Тимчо Муцунски и со претседателот на најстарата и најмоќна бизнис асоцијација Бранко Азески.
„ЗБ30“ верува дека долготрајната исклученост на земјите од Западен Балкан од ЕУ создава несигурност и нестабилност и претставува кочница за економскиот раст на целиот континент, оставајќи ја Европа поделена и неспособна да го искористи својот целосен потенцијал.
За еден месец, од септември 2025 година, „ЗБ30“ формално ќе отпочне со работа во Брисел, а во меѓувреме ќе назначи советодавен одбор и претседател, составен од угледни поранешни државници кои имаат искуство со Балканот или биле блиско поврзани со регионот во последните четири децении.
ЗБ30 ќе изработува извештаи и ќе спроведува активности во поддршка на своите клучни тврдења, ставајќи акцент на потребата од итно делување. Ќе организира и учествува на конференции и настани каде ќе ги претставува своите аргументи.
„ЗБ30“, согласно нивното укажување веќе има добиено првични изрази на поддршка од Атлантскиот совет, Глобсек (GLOBSEC), Карл Билт и лорд Џорџ Робертсон. Поддршка дополнително ќе се бара во текот на летото 2025 година.
„ЗБ30“ верува дека поддршката од деловната заедница на Западен Балкан ќе претставува моќна потврда за идеите на ЗБ30 и ќе ја промовира потребата од динамичен, заемно корисен економски раст преку постојните граници.
Кои се директорите на „ЗБ30“
Џорџ Базби изучувал српскохрватски јазик на Лондонскиот универзитет и дипломирал на Универзитетот во Оксфорд, насока Источноевропска економија. Студирал на Универзитетот во Сараево во 1981 година, а од 1987 година работи во британското министерство за надворешни работи, па во Амбасадата на Обединетото Кралство во Белград, бил и шеф на одделот за Балканот, а по пензионирањето од министерството за надворешни работи во 2015 година, ја основал Бурсток Лтд., консултантска фирма, заедно со генерал сер Барни Вајт-Спанер, поранешен командант на британската копнена армија и на НАТО силите во Македонија.
Кристофер Гејт речиси една деценија, од 1992 година, служел во поранешна Југославија во воени и дипломатски улоги – за Обединетото Кралство, ЕУ и ОН. Работел последователно за Меѓународната конференција за поранешна Југославија, за сопретседавачот на Дејтонската мировната конференција, за Канцеларијата на Високиот претставник во Сараево и за Специјалниот претставник на Генералниот секретар на ОН за Балканот. Претходно бил ангажиран во Кралскиот институт за одбранбени студии во Лондон, по што станал долгогодишен главен советник на кралицата Елизабета Втора, пратеник во британскиот парламент и претседател на компании и добротворни фондации.