Бизнис
ЦЕНИТЕ НА ГОРИВАТА ВО ХРВАТСКА СЕ ОСТАВААТ НА СЛОБОДНИОТ ПАЗАР, Владата на Хрватска ја укина уредбата за ограничување на цените на нафтените деривати
15.07.2025
Владата на Хрватска вчера донесе одлука да не се применува Уредбата за утврдување на највисоките малопродажни цени на нафтените производи, а од денес цените се целосно оставени на слободниот пазар.
Во последните три години, Владата ги одредуваше максималните малопродажни цени на нафтените производи на секои две недели. Владата изјави дека одлуката за укинување на таквата практика е донесена по темелна анализа и следење на глобалните пазари.
Во последните две недели, од 1 јули до 14 јули, цената на Еуросупер беше ограничена на 1,45 евра. Цените на Еуродизел беа ограничени на 1,38 евра. Цените на синиот дизел беа ограничени на 0,78 евра.
Доколку владината уредба останеше на сила, според некои прелиминарни пресметки, од овој вторник литар евросупер требаше да биде поевтин за четири центи, чинејќи 1,41 евро, евродизелот требаше да биде поевтин за два центи, на 1,36 евра, а синиот дизел требаше да биде поевтин за еден цент, на 0,76 евра.
Литар бензин кој претходно се продаваше за 1,45 евра, кај некои од дистрибутерите чини 1,41 евро. Литар Premium Eurosuper 95 е за еден цент поевтин и изнесува 1,76 евра.
Еуросупер 100 исто така малку падна по цена (претходно 1,87 евра), па сега чини 1,85 евра. Еуродизел досега чинеше 1,38 евра, а се намали на 1,36 евра.
Прашањето е какви цени ќе бидат утврдени на бензинските пумпи на автопатите, поради полната туристичка сезона, што е златна можност за дистрибутерите, пишуваат хрватските медиуми.