Бизнис
КОИ СЕ НАЈДЕФИЦИТАРНИТЕ ЗАНИМАЊА ВО ГЕРМАНИЈА, најголем пад на работни места ќе има во металургијата и банкарството
14.07.2025
Состојбата со недосиг на работници во Германија брзо се влошува и на земјата ѝ недостасуваат воспитувачи, социјални работници, негуватели и продавачи и други профили на квалификувана работна сила, предупредува Институтот за германска економија (IW) во нова студија.
Во нивната нова студија се проценува дека дефицитот на работници ќе се зголеми и дека до 2028 година бројот на неисполнети работни места ќе се зголеми на околу 768.000. Минатата година недостасувале 487.000 работници.
- Главната причина се демографските промени. Многу луѓе ќе се пензионираат во наредните години, изјави авторот на студијата Јурек Тиедеман.
Најголем недостиг се очекува кај продавачите, а бројот на отворени, но неисполнети работни места би можел да се зголеми од 12.900 на 40.470. Премалку млади луѓе одлучуваат да одат во стручно трговско училиште. За работното место воспитувач ќе недостасуваат 30.800 работници , по што следат социјалните работници и педагозите, со повеќе од 21.150 места. Во следните три години ќе недостасуваат 21.350 медицински лица.
Значително зголемување од околу 26 проценти се очекува и кај ИТ занимањата, првенствено поради дигитализацијата.
Институтот предвидува најголем пад на бројот на квалификувани работници за металуршката индустрија, за речиси 161.200 до 2028 година. Според прогнозата, бројот на банкарски службеници ќе се намали за околу 56.300, бидејќи банките ги затвораат шалтерите и ќе се автоматизираат, објави Сеебиз.
фото freepic