Бизнис
Турска компанија отвора нов погон во Бунарџик
10.07.2025
Турската компанија „Чагатај кабло“ ќе отвора нов погон во ТИРЗ „Бунарџик“, а камен-темелникот ќе биде поставен утре. Како што најави денеска премиерот Христијан Мицкоски, се работи за дополнителна инвестиција од шест милиони евра и 200 нови вработувања.
- Имаме инвестициски процес во периодот што следи. Нова инвестиција ќе има утре, „Чагатај кабло“ која веќе функционира кај нас, но ќе најават проширување, дополнителна инвестиција од 6 милиони евра. Ќе направат нов погон во кој ќе го прошират својот асортиман, а утре е поставувањето на камен-темелникот, вели Мицкоски.
Мицкоски претходно кажа и дека идната недела, на 16 јули, ќе биде поставен камен-темелникот на ветерниот парк во Штип што треба да го гради „Алказар енерџи“, како и дека по одморите ќе има состанок со раководството на турската компанија „Казанџи груп“ за да се дефинираат приоритетите по потпишувањето на Меморандумот што го објави вчера.
Идната недела, на 16 јули, ќе биде поставен камен-темелникот на ветерниот парк во Штип што треба да го гради „Алказар енерџи“, како најголема инвестиција во делот на обновливите извори во регионот, вредна над 500 милиони долари, која треба да отвори 630 работни места.
Извор/фото МИА